Die Hart het sy Redes

/ Skinner? Dis 'n slordige veralgemening. Onse mense skinner nie; hulle práát. Die gepraat is meer soos bid, dit gebeur net op stoepe en in sitkamers in plaas van 'n kerk. /

Die liefde, en nie die rede nie, rig menselewens. Soms kom dit onwaarskynlik voor; ander kere woed dit soos 'n vuur voor 'n noordwestewind en verskroei alles in sy pad. Of dit liefde tussen mense, vir die omgewing of 'n voorwerp is, die wonderbaarlikheid daarvan staan sentraal en bring sy meelopers by 'n tuiste uit - soms met 'n traan, meesal met 'n lag en altyd met nuwe insig.