Kreatiewe Kombinasies in Eietydse Tuine

Tuinmaak is niks minder kreatief as om waterverfskilderye van blomme te maak nie. En 'n groot deel van dié kreatiwiteit lê in die byeenbring van verskillende elemente. In hierdie boek wys twee kenners jou hoe om dit reg te kry, met honderde voorbeelde uit tuine van regoor die land. Dit wys jou dat 'n tuin basies 'n kombinasie is van kleur, vorm, tekstuur en groeiwyses - in wese 'n kombinasie van kombinasies.

Leer hoe om plante te kombineer wat mekaar aanvul en hul eie harmonie skep en hoe om plante en elemente te kombineer vir enersheid, of vir andersheid. Deur uitgesoekte plante en elemente saam te gebruik, skep jy 'n prentjie wat mooier, treffender en meer skouspelagtig is as wat elk van die gekombineerde elemente individueel sou kon doen. Die skeppende omvang van kombinasiemoontlikhede kan nie gekwantifiseer word nie - as jy jou 'n kombinasie kan voorstel, kan jy dit skep. Daar is meer as 230 foto's om jou te bekoor en inspireer en al die nodige inligting om slim en vindingryk met kombinasies te werk.

Vergroot jou tuin se trefkrag deur die beste moontlike gebruik van die kombinasies daarin.