Krygsgevangenekuns in die Anglo-Boereoorlog

Heelwat is al oor die Anglo-Boereoorlog geskryf.
Tog handel slegs enkele publikasies oor die kunsvoorwerpe wat deur die Boere-krygsgevangenes vervaardig is. Vicky Heunis benader die onderwerp van krygsgevangenekuns uit 'n kultuurhistoriese perspektief. Sy brei uit op die motiverings waarom dit vervaardig is, die gereedskap waarmee en beskikbare rou materiaal waarvan dit vervaardig is. Die spesialisvakmanne wat verantwoordelik was vir die vervaardiging daarvan word ook onder die loep geneem. Daar word gekyk watter tipe voorwerpe gemaak is, die simboliek en inherente betekenis wat die voorwerpe ingehou het, asook die verspreiding en vestiging van afsetgebiede vir die verkoop en uitstalling van Boerekrygsgevangenekuns.