Tuinvetplante

Vet- en rotstuinplante het baie gewild geword weens die gemak waarmee hulle gekweek kan word, asook vir hul indrukwekkende verskeidenheid vorms en groottes, pragtige kleurrykheid, en waterbesparende kenmerke. Hierdie wetenskaplik-akkurate gids het ten doel om plantliefhebbers, tuiniers, en tuinboukundiges te help met die identifisering van algemeen gekweekde spesies van oor die wêreld.

Die opgedateerde en uitgebreide "Tuinvetplante" bevat onder meer:
• Beskrywings van meer as 400 bekende vetplante en spesies wat aan hulle verwant is.
• Besonderhede oor die hoof vetplantgroepe wat enige leser in staat sal stel om maklik te bepaal aan watter familie 'n spesifieke vetplantsoort behoort.
• Meer as 600 uitnemende volkleurfoto's wat die kenmerkende vorms, groottes, en kleure van vetplante illustreer.
• Inleidende hoofstukke oor waterwyse tuinmaak, bewaring, kweking en voortplanting van vetplante, asook'n afdeling oor tuinmaak met vetplante wat nuttige wenke bevat.
• Die hoofdeel van die boek sluit al die belangrikste vetplantgroepe in, hul identifisering, en sekere genusse en spesies wat aan elk behoort.