Fiction

/ Charles Oertel staan koponderstebo langs die graf. In Februarie was dit sy lieflingseun Jim, nou is dit Ronald... 'n seun aan Boerekant... 'n skoonseun aan die Britse kant. Wat moet hy nog prysgee voor daar weer rus en vrede kom? /

Oertel bevind hom in 'n netelige posisie. Hy is 'n skatryk Vrystaatse boer en het sentimente jeens beide magte wat tydens die Anglo-Boereoorlog slaags raak.

Bothma se noukeurige navorsing oor hierdie invloedryke man en sy nasate se lotgevalle tydens en ná die oorlog bevestig geboekstaafde kennis, maar bied ook nuwe inligting. Daarbenewens is dit 'n boeiend menslike verhaal wat die leser tot nadenke stem. Sou dit anders verloop het as dit nie vir die oorlog was nie? Keer die mens nie die punt van die swaard self op sy hart nie?

Huis Madeliefie se inwoners word deur die staat se vlak 5-inperking in die gesig gestaar. Hans van Kraaienburg besef dit gaan elke faset van hul lewens raak, want teen hierdie virus groei geen kruid nie. Maar die drakoniese reëls wat die tehuis se interne bevelsraad uitvaardig, kry nie vatplek by Hans en kie nie. Om sake te vererger, is Hans oor die hoof gesien as leier van die bevelsraad. Altoon Ahlers, 'n befaamde akteur van weleer en 'n onlangse inkommer met 'n buitengewoon hoë dunk van homself, neem die leisels.
Ná verskeie ontberinge en vernederinge, besluit Hans hy het klaar bek gelek en stert geswaai. Dis tyd om die Groot Akteur se opgepompte spietjies te prik. Vriend Vasie voorspel daar gaan groot sports kom. Hans se plan om die inwoners met die verbode vrug se sap aan sy kant te kry, boemerang egter sleg. Hy sal Ahlers op 'n ander manier moet onttroon. Maar dit beteken dat Hans die ondenkbare moet doen. Hy sal die bioborrel moet bars...

Tussen die duiwel en die diep blou see...


Ludo Labuschagne breek weg saam met 'n klompie mense - en selde was die syfer 13 al so ongelukkig. Die dood lê besoek af nog vóór die groep hulle bestemming, 'n private eiland, bereik.

Hoe later hoe kwater. Wie wil vir wie dood hê? Om watter rede? Wie gaan in die slag bly: Una, die weduwee en weldoener van die groep, dominee Attie, sy lankmoedige vrou en hulle tieners, die selfingenome akteur Toon, die jong sielkundestudent Suné, die weermagvriend Cor, die Pedrito's wat daar is om die huishouding seepglad te laat loop, of Ludo, sy ma en oom Dippie?

Nêrens kom jy verder weg van alles as op 'n eiland nie. En nêrens is jy so blootgestel wanneer daar moord in die lug is nie...


"Blou moord" is nommer 3 in François Bloemhof se wiedoenit-speurreeks. Die vorige titels is "Die duiwel maak my hart so seer" (2021) en "Kry vir jou" (2022).

Terug na 1981.
Februarie, warmste maand in die Kaap.


Op 'n wynplaas buite Stellenbosch woed 'n vernietigende vete tussen die broers Christiaan en Jacobus de Wet. Watter een van hulle (of wie anders) is dit wat die vlamme so aanblaas?

Ludo Labuschagne, die onverskrokke (soms baie onverskrokke) held, is net die man om dié tergende raaisel op te los en geregtigheid te laat seëvier.

Prikkelende karakters. Verassende situasies. Gevaar. Humor. Moord...

Sal Ludo betyds uitvind wiedoenit? Of is die eise van sy tweede saak te straf?

Die Here sorg vir jou, Flora, al voel dit nie altyd so nie.

Dis 1982 en Flora Beukes woon saam met haar pa Frans, ma Siena en drie jonger sibbe op die Myburghs se plaas, Vlakpoort, 'n klipgooi ver van Keimoes.
Siena is bekommerd oor Frans wat heelnaweek saam met Jan Olyn langs die bierpotte deurbring en dan laataand soos 'n besetene kom moles maak by hulle rietdakhuis. Sy is stilletjies besig om planne te maak om met die kinders na Springbok te verhuis. Maar net voor Kersfees word die gesin een nag tragies uitmekaargeruk. En die Beukes-kinders word aan hulle eie lot oorgelaat.
Flora voel verantwoordelik vir haar jonger broers en sussie se welstand, maar in die herberg op Doringvlei word die kinders se lewens nog verder omvergegooi. Voor Flora haar oë kan uitvee, bly sy alleen agter. Haar hart is stukkend, maar sy is vasbeslote om weer haar boeties en sussie onder een dak te kry en 'n huis vir hulle te bou.


Engela Ovies se tweede roman is 'n hartroerende verhaal oor 'n dapper tienermeisie se liefde vir haar sibbe en die opofferings langs die pad om haar ma se laaste wens te laat waar word. Dit getuig van medemenslikheid en vergifnis - eerlik, deernisvol en opreg.

Privaat speurder Zeus van Wyngaardt is bang vir min dinge, maar die L-woord gee hom die ritteltits. Toe sy ondersoek na sy buurman se vermiste tienerdogter hom na die verleidelike courtisane Wildene du Bois lei, kos dit kophou om nie al sy reëls oor die liefde oorboord te gooi nie. Terselfdertyd help hy Elsie Niemandt, 'n emosioneel mishandelde, geskeide vrou wat haar kinders probeer terugkry. Die sake het op die oog af niks met mekaar te doen nie, maar Zeus besef dat hulle tentakels van dieselfde groot monster is.

'n Bloederige dubbelmoord in die straat waar privaat speurder Zeus van Wyngaardt woon, gevolg deur 'n vonds van verrottende lyke in 'n woonstelgebou in die middedorp: 'n reeksmoordenaar of dalk mutimoorde? Hoekom versoek luitenant Lucinda Fourie om betrokke te raak? En hoekom word daar skielik weer vrae gevra oor Wildene du Bois?

Sal Zeus en Tumi die sake voor die polisie oplos?

Kylie se reis karteer die aftakeling wat vrou- en ma-wees op gees en lyf kerf. Die gyselaarsituasie van 'n ondraaglike huwelik: Om 'n ma te wees is onmenslik moeilik as jou gees gevlug het uit jou lyf. Dis ook die verhaal van die onwaarskynlike vriendskap tussen 'n ma en stiefma. Kylie en Katrin word mekaar se weermoed.

/ Luitenant Hubert Holland skryf in sy verslag van 15 Januarie 1901: "Ons dobber soos 'n speelgoedbootjie rond en hoë deinings breek telkens oor die dek." Skielik ruk die HMS Sybille tot stilstand en die geluid van skreeuende metaal is die finale sein dat die Sybille haar stryd teen die magtige Atlantiese Oseaan verloor het! /

Hierdie is Gert Sarrisam se eerste roman ná sy twee kortverhaalbundels "Vonke uit die koeroeklip" en "As murasies kon praat", waarin hy hom reeds as 'n storieverteller van formaat gevestig het. Die roman speel gedurende die Anglo-Boereoorlog af naby Lambertsbaai aan die Weskus. Die storie bring dei mense van die omte asook die pragtige, maar oonvoorspelbare Weskussee as 'n seeroete na die leser.

Die HMS Sybille is 'n Britse verkenningskip wat wapens en ammunisie vir die Engelse soldate voorsien. Dit strand onverwags in 'n storm suid van Lambertsbaai waar die knorrige Druk Burger woon. Sy seuns gaan oorlog toe en wanneer een sneuwel, begin Dirk se haat vir die Engelse sy normale denke oorheers. Hy stem saam met Emily Hobhouse en is fanaties daaoor dat dit 'n aaklige en sinlose oorlog is. Die Engelse is nie soos soldate wat teen hul eweknieë, die Boere, veg nie, maar hul lafhartigheid toon met wreedheid teenoor vrouens en kinders in konsentrasiekampe. Sy afksu van die "joiners" (lojaliste aan Britse magte) ken geen perke nie en hy haat hierdie volkverraaiers nog meer as die Engelse soldate!

Toe gebeur die onwaarskynlike. Dirk se witbroodjie en blouoogdogter raak verlief op 'n "dônnerse Engelsman", 'n Britse vlootingenieur, wat van Engeland gestuur is om te help met die aftakeling van die gestrande Sybille. Hier begin 'n aangrypende liefdesverhaal tussen Martjie en Harry. Martjie word gekonfronteer met 'n onbegryplike liefdesverhouding. Haar rou en besliste woorde aan haar ma is: "Moeder, ek sal eendag met Harry Blades trou, al sê julle ook wat... al jaag Vader my weg, ek sal nie van hom afsien nie en ek het hom lief!"

Wie gaan uiteindelik seëvier: Dirk se haat vir die Engelse of die liefde tussen twee jongmense van verskillende kulture en afkoms? Die storie tjam die leser deurgaans en sorg vir genotvolle leesplesier.

/ Jare lank is ek as natuurbewaarder aangesê om die natuur vir die mens te bewaar. Die mens moet daaruit voordeel trek en dit gee bestaansreg aan die natuur. Te hel daarmee. Genoeg is genoeg. Ek staan in diens van die natuur. As ek teen mense moet draai, dan is dit maar so. /

Namibië is bekend vir sy goeie bewaringspraktyke en is 'n gewilde toeristebestemming. In "Plunderwoestyn" word vertel hoe dit aan die verander is, en hoekom. Die verteller was dertig jaar lank wildbewaarder en safarigids in die Kaokoland en ander wildernisgebiede. Hy het meegewerk om die land toeganklik te maak vir toeriste en jagters. Hy het geglo in die natuurbewaringsprogramme wat van stapel gestuur is. Maar gedurende die afgelope tien jaar het dinge begin skeefloop. Hy moes sy geliefde werk as safarigids verruil om 'n stryd te voer teen renosterstropers, ivoorsmokkelary en die roekelose uitskiet van diere.
In hierdie moeilike tyd ontmoet die verteller egter ook sy grootste vennoot in die stryd teen stropers. Sy dra mokassins en het lang, donker hare wat by haar rug afhang...

Inside the heaving party hub that is Cape Town's student playground, someone is preying on the young and unwary. As allegations of drink spiking and illicit sex hit the local papers, university authorities move quickly to limit the damage.

A world away in Seattle, Carlos De Palma, the shadowy operator behind "Dark Video", is plotting his survival strategy in the ever-changing Internet landscape. With his precious clients clamouring for heightened thrills, Carlos begins tapping into a new service that blurs the boundaries between the real and virtual worlds.

Enter Robbie Cullen, nice guy and average student, dumped by his girlfriend and struggling with his grades. But when it comes to the crunch, Robbie doesn't know the meaning of stepping back. Once he encounters the beautiful and mysterious Fallon, his small-town bravado is set to make him some powerful enemies.

"Bitter Pill" is a gripping thriller that sweeps through the intoxicating haunts of Cape Town's nightlife and lingers on the sugary sand of Plettenberg Bay - before exploding on the streets of the Mother City's exclusive southern suburbs.

This exciting adventure story is a sequel to the award-winning novel "When you dance with the crocodile". It can be read on its own as a stand-alone novel. It will be enjoyed by children as well as adults.


After their return through a wormhole from a terrifying adventure more than a hundred years in the past, Sam and Helena's father destroyed the dangerous computer game which enabled them to time travel. But one night Sam hears a blood curdling scream. He recognized the voice. It is Ruth - a girl who lived on the banks of the Zambezi River. Someone has reactivated "The Dangerous Game" and called up a time when Ruth is in serious trouble.

Sam locates the CD holding the game and prepares to travel back in time with an adventurous friend and all the tools they will need to survive in the African bush. However, "The Dangerous Game" is tricky to control and Sam finds himself back in the past with the wrong friend and minus vital equipment for their survival.

Tracking down Ruth will test Sam to the limit and he will need all his courage and wits to find her.

'n Plaasmoord ruk 'n gemeenskap en familie tot stilstand en dwing die jong Faan Venter om terug te keer na die plek waar sy geliefde oupa vermoor is. Sy terugkeer na die plaas krap wonde van woede oor die moord, misdaad, korrupsie en die verval van die land oop. Faan is wanhopig oor sy toekoms in Suid-Afrika, maar antwoorde op sy vrae oor die toekoms kom vanuit 'n onverwagte oord - uit die verlede, soos vertel deur sy grootouma, Katryn.

Die verhaal van hoop wat oor sewe geslagte strek, van die Afrikaner se val en opstaan, speel af tussen die stowwerige tente van die Heilbron-konsentrasiekamp, in die afgebarnde plaashuis op die Vrystaatse vlaktes, in die krygsgevangenekamp in Ceylon en rondom die ou stinkhouttafel op die stoep.