Teenage & Young Adult

"Hulle weet ek was in hulle systems. Hulle weet wat ek gedoen het. Hulle weet wie ek is."

'n Teruggetrokke nuwe leerder, Eckardt Wilken, verdwyn geheimsinnig uit die elite privaat seunskool, Lawson Kollege. Greg Owen moet hom opsoor sonder dat iemand uitvind hulle was albei hackers.
Die sinistere raaisels rondom Eckardt se verdwyning verdiep met elke leidraad wat Greg vind. Die eerste een: 'n selfoon wat lui, en die naam G-4ce wat flits op die skerm.
Die onderwêreld ken sy naam en roep hom om te kom speel.

<"Sien djy nie? Dit gaan nooit end kry nie. Daar gaan altyd nog 'n Kalla wees, nog 'n Ben, 'n Louw, 'n Malherbe, 'n Jak. Nog 'n Ellis. Ek verstaan, djy wou my beskerm. Djy't geskrik, ons almal het. Maar dit was mý Bloedskuld, Ben. Mýne. Djy't 'ie vir my kans gegee om 'n besluit te maak'ie en kyk die posisie waarin ons nou is. En 'it stop nooit'ie! Ek wil terugbaklei. Ek willie terugsit nie. Nie die keer'ie.">

Dis die Branderjaers se matriekjaar en alhoewel Ben Palmer van plan was om sy kop laag te hou, loop alles skeef. 'n Ou bendeleier is terug in Breekwater en Ben en sy suster Kalla word gekonfronteer met 'n legacy waarvoor hulle nooit gevra het nie. Maar as jy 'n Palmer is, is jy 'n Kanniedood - jy kan enigiets survive. En Ben moet aanhou baklei: in die arena, in die turf war... en vir wie hy werklik is. Kalla kry ook nie háár verlede afgeskud nie. Die nag toe sy in die niemandsland aangeval is, het alles verander. Nou het sy 'n kans om seker te maak daar is nie nog 'n victim nie. Om dinge reg te stel en vir eens haar eie keuses te maak. Al moet sy alles om haar afbrand.

Dis nie hoe legacy werk nie. Maar wat as dit kon?

"Greg Owen is oorlede. 'n Span duikers het sy liggaam gister uit die Canale Grande in Venesië gehaal."
Dis wat die koerante in die Turret Media-groep oor my berig.

Greg Owen is dood. Kan dit waar wees, ná alles wat gebeur het?

Ja, ek was in Venesië, waar die hoofkanaal soos 'n reuseslang deur die stad kronkel, en ja, iemand is uit die donker water gehaal. Maar ander mense was saam met my daar. Ons was vyf.
Een van hulle is dood.
Hierdie is ons storie.


Greg Owen, die ou wat sy eie pa vir die wolwe gegooi het, is 'n eerstejaar op Stellenbosch. Klaar met hacking. Ingeskryf vir 'n graad in Sportwetenskap. Maar sal hy ooit van die skaduwee van Lawson Kollege en Project Nursery Rhyme kan wegkom?

Ná 'n maand in Rietvallei Hoër is Daniël du Randt 'n Rietrot tot in sy kleintoontjienael se voorste punt. Die graad 8's moet egter steeds mooi loop om uit Peet Pretorius se kloue te bly. Dat Daniël, Malebo en Antonie boonop die kwaai juffrou Faure, wat saam met haar man 'n spioen in een of ander oorlog was, se papegaai moet oppas, maak die lewe nie juis makliker nie. Tussendeur oefen die seuns kliphard vir die groot atletiekbyeenkoms in Johannesburg. Maar dié dag ontaard in iets wat Daniël hom nie in sy wildste verbeelding sou kon voorstel nie...

Hoërskool is nie vir sissies nie!

As Rietrot moet jy jou plek ken, besef Daniël du Randt met die itnrapslag in Rietvallei Hoër. Almal sê daar bestaan nie iets soos ontgroening nie, maar hierdie matrieks het duidelik nog nie die boodskap gekry nie. Gelukkig het hy vriende soos Malebo, Antonie en Giovanni, want Peet Pretorius eet graad 8's vir ontbyt en spoeg hulle soos fyngekoude grate uit. Een vir een.
Wanneer Daniël en Malebo een nag uit die koshuis glip en hulle vasloop in 'n skelm - wat vir Peet soos 'n lammetjie laat lyk - begin hulle probleme werklik. Moet hulle vir iemand daarvan vertel? Kan hulle dit waag? Sê nou daardie ou kom een donker nag terug om sy dreigemente uit te voer?

Hoërskool is beslis nie vir sissies nie!

Dis die eerste oop naweek vir die graad 8's. Maar Daniël, Malebo en Antonie is gehok, met juffrou Faure van alle mense as die onderwyseres aan diens! Almal weet sy is so koud soos 'n vrieskas. Reg om jou plat te vee sonder om 'n oog te knip. Wat as Joachim reg is dat sy Pieter laat verdwyn het?
En dan is die mans met die swart pakke ook nog op hulle spoor... Waarna soek hulle so dringend?

Hoërskool is nie vir sissies nie!

Alfie het op veertien koning geword. Nie net koning nie, maar die Redder van 'n ryk wat in 'n nuwe donker eeu gedompel is.

Die Redder het die stryd teen die Swart Draak verloor, en die Verenigde Koninkryk is nou in die kloue van opperbeskermheer Lock en sy weermag van ondooie Vikings en beserkers. Intussen begin Hayley 'n weerstandsbeweging in Londen se agterstrate. Alfie pak die hewige stryd aan om sy land terug te wen - gelukkig met die hulp van lojale vriende van die Ryk. Maar daar is 'n nuwe gevaar wat in die donker skuil...

Kan Alfie en sy vriende Lock keer voordat hy Hel op aarde loslaat?

/Die laaste boek in 'n aksiebelaaide trilogie./

Drama, humor... en natuurlik liefde en liefdesdriehoeke. Lees drie van die gewildste stories in die "Eerste liefde"-reeks in hierdie lekker omnibus.

In "Rugbyballe en bikini's" besluit Anelle dat niks haar vakansie op Duinebaai gaan bederf nie. Hunks wat rugby speel is in elk geval só vorige eeu. Maar wat is dit met Martin Nel dat hy haar so anders laat voel? En dan natuurlik wéér Jenni wat alles kom omkrap. Dis tyd vir wraak, besluit Anelle. Maar wraak smaak tog nie so soet soos Smarties nie.

In "Daar's 'n ou in my aarbei-smoothie" is Yolandé se liefdeslewe 'n ramp. Tot 'n geheime bewonderaar allerhande boodskappe en geskenke in haar tas begin wegsteek... Wie is dit? Wil sy hom ooit hê? Sê nou dis die aantreklike donkerkop, die nuwe ou in graad elf op wie al die meisies verlief is?

In "My hart klop muffins" wil Kat graag van haar vervelige lewe ontsnap. Maar alles bly saai. Naweke werk sy en Van Aardt op die kunsmark en by die skool het sy te doen met irriterende mense soos Marlé Groenewald. Tot h

Maya is oortuig van drie dinge:
1. Sy wil n

Kies versigtig... Hierdie avontuur kan gevaarlik wees!

Gretha maak 'n groot fout wanneer sy haar stiefsussie se sprokiesboek uit wraak vernietig. Want nou bevind sy en haar beste vriend, Hannes, hulle in die kininkryk van Fantastorië, waar ongekende gevare wag. Saam met 'n iesegrimmige kabouter moet hulle die sprokieswêreld deursoek vir vyf unieke legkaartstukke, sodat die Towerspieël hulle dalk sal toelaat om terug te keer huis toe...

Wees Gewaarsku:
Hierdie boek is ANDERS as enige ander boek.
Daar is meer as 30 verskillende eindes vir die storie - en JY is die een wat moet kies!

Is jy dapper genoeg om hierdie avontuur te begin? Is jy slim genoeg om die regte keuses te maak en vir Gretha en Hannes te help om uit die gevaarlikste boek op aarde te ontsnap?

<Vandre kyk op. "Hel!" skree hy van skrik. Ys trek deur sy are; sy hande klem die tablet vas. Hy koes. "Pasop, Pa!"
Hulle is in die draai. Hy wéét hulle gaan dit nie maak nie.
Die bakkie se agterkant skuif op die los bogrond. Flitse wit kalkgrond, geelwit gras en blou lug tuimel oor mekaar. Tussendeur die afgryslike klank van metaal wat skuur en skree, die gebrul van die dieselenjin en glas wat breek.
Dit voel soos 'n eeu voor die voertuig ophou rol.
Dis binne sekondes verby.>

Op soek na hulp vir sy pa na 'n lelike motorongeluk, verdwaal Vandre heeltemal in die onbekende, dorre Boesmanland. Dis 'n stryd vir oorlewing teen die natuur, teen homself en teen die herinneringe wat hom jaag.

"Het jy enige idee hoe dit voel om verlief te wees?" vra Nadia moedeloos.
"Natuurlik," sê ek vinnig. Ek dink onwillekeurig terug aan die twee outjies wat ek en Nadia in graad drie met sjokolade omgekoop het om met ons uit te gaan. Die "verhoudings" het net so lank gehou as wat dit die twee geneem het om die sjokolade op te eet. "Ek het al van 'n hele paar ouens gehou..." sê ek ongeërg.
Dis darem nie heeltemal 'n leuen nie - daar is 'n hele paar cute ouens in die skool. Ek wil net nie met hulle uitgaan nie.
"Ek praat nie van hóú van iemand nie," sê Nadia. "As mens rêrig verliéf is op 'n ou, kan jy nie een oomblik ophou om aan hom te dink nie." Sy kry weer daardie veraf, dromerige kyk in haar oë. "Alles voel skielik anders as jy verlief is, tot die boringste goed. Jou klein boetie kry dit nie meer reg om jou te irriteer nie, jy kry sommer lus en gee jou mees gehate onderwyser 'n drukkie en selfs jou Rice Krispies proe anders..."

Bly wag van daardie goed wat in die strate ronddwaal. Selfs al lyk hulle soos jou familie en vriende, jou buurman of buurvrou, die ou of meisie op wie jy jou hart verloor het. As jy gelukkig is, verskeur hulle jou binne sekondes. As jy nie so gelukkig is nie en dit oorleef... wel, dís die scary deel.

Net sewe dae. Dis al wat nodig is om die wêreld tot stilstand te ruk.

'n Week gelede was Jake nog 'n doodgewone sewentienjarige. Nou is hy een van die enigste oorlewendes in 'n verwoeste stad. Daarom vat hy die pad op soek na sy pa. Maar ná die uitbreking van die virus is die wêreld 'n vreemde, skrikwekkende plek.

Elle Olivia is 'n kragtige lysiemaker wat haar hele lewe fyn probeer beplan, want sy glo alle slegte dinge gebeur op Vrydae.

Na 'n belaglike insident waarin sy 'n meme geword het (natuurlik op 'n Vrydag), is haar op die nippertjie aanvaarding by Kovsies om medies te studeer 'n nuwe begin vir haar.
Maar na nóg 'n belaglike verwarring, bevind sy haarself in die laaste situasie waarin sy wil wees: die kollig. Sy moet Conrad Trubleu, gewilde kitaarspeler en hoofsanger van die boyband Vuurvreter, se fake meisie wees. Hierdie is só nie deel van haar plan.

Mitch het 'n knop op sy maag, hy weet iéts gaan gebeur. Iets slegs. En dan land die ruimtewesens in Deltaville en ontvoer inwoners van die dorp.

Mitch en sy beste vriend, Lionel, besef dat dit hulle taak sal wees om die inwoners te red.
In 'n ander wêreld, op die planeet Zenkion, is Imke besig om oor die Blou Planeet, Aarde, te leer. Haar ma was 'n Aardling en dit beteken Imke is half-Blou Planeter, half-Zenkioniet. Al wat Imke wil doen, is om die blou waters van die Blou Planeet te sien. Sal sy die kans aangryp om na hierdie planeet te gaan?
Al is die planeet besig om aangeval te word...?

Mitch en Imke se wêrelde ontmoet in hierdie verhaal oor ruimtereise, ruimtewesens en 'n soeke na die plek waar elkeen behoort.

<In stilte het hulle geluister na die geruis van die windskewe woud om hulle. "Dalk is dit hou die bome in die hemel lyk," het Gibor hardop gedink.
"Waar is die hemel?" wou Eron weet.
"By die Waterplek.">

Drie herfse het verloop sedert dié dag toe Gibor Verberger so halfterloops die bestaan van die Waterplek bekendgemaak het. Baie water en bloed het intussen in die see geloop en nou verlaat die sewentienjarige Eron Verberger uiteindelik sy geboorteland in die hoop om die laaste Geseënde en sy pa by die Waterplek te vind: die skuilplek in Afrika wat Gibor vir die vlugtelinge van die Vuurstorm voorberei. Die seereis is lewensgevaarliken sy verhouding met Lia is 'n ingewikkelde vervlegting van wantroue en begeerte. Sy pad kruis met 'n flambojante heerseres, 'n dogtertjie wat reënwind maak en 'n toweragtige bergvesting. Van die Onbekende Eilandgroep tot Olam, van Wa

<Ma skeur 'n boks visvingers oop en strooi die inhoud uit in die pan. "Ek het sulke high hopes vir jou gehad. As daar nou een kind was van wie mens high hopes kom hê, was dit jy. En nou't jy alles opgemors."
"Sorry." Met meer gevoel, hierdie keer.
Dis waar. Wat kan ek sê? Die Rise and Fall van Guinevere Sylvia van der Merwe.>

Dis Desember aand die einde van Sylvia se graad 11-jaar, maar sy weet nie waar sy haar matriekjaar gaan doen nie. En van haar toekomsdrome is daar niks oor nie. Minstens is alles niet net sleg nie - haar hunk van 'n boyfriend is nog net so smoorverlief op haar, en die dienswerk by die ouetehuis os darem nie te sleg nie, al dring suster Pretorius daarop aan om haar Guinevere te noem.

Jy het jou bed gemaak en nou moet jy daarop slaap, sussie. Dis wat Ma altyd sê. Dis wat die Van der Merwe-vroue doen.

Anja en Zanelle werk vir die Desembervakansie in 'n pizzarestaurant by die see. Anja steur haar soos gewoonlik nie aan al Zanelle se praatjies oor ouens of aan die tydskrifartikels wat sy lees nie - soos die een oor ouens en pizzas...

Ouens is soos pizzas
Stap 1: Moenie 'n Hawaiian-pizza bestel as jy pynappel haat nie.
Stap 2: Maak seker van die bestanddele voor jy bestel.
Stap 3: Onthou, die beste restaurant vat party keer langer om 'n pizza te maak - so gebruik 'n bietjie geduld.

Dan ontmoet hulel twee aantrekile boeties: Markus met die blonde hare en blou oë en Abrie, die geheimsinnige donkerkop. Zanelle se vermoede dat albei boeties op Anja verlief is, val op dowe ore. Maar dan gebeur daar iets wat Anja en Zanelle woedend maak vir die twee sexy broers... en dinge raak warmer as 'n Meksikaanse pizza met ekstra chilli-sous!

Soms is die einde net die begin van 'n nuwe avontuur.

Martin Retief se hele lewe verander toe sy pa een middag op pad huis toe by 'n winkel stilhou om aandete te koop.
Sy ma weier sedertien om uit die huis te kom. Sy suster stel net in haar kêrel belang. Sy oom praat nie eintlik nie. En Martin? Hy verkoop smiddae eiers en doen snags somme as hy sukkel om te slaap.
Maar op 'n dag ontmoet Martin vir Drikus.
Drikus wat aan 'n siekte ly wat na iemand vernoem is. Drikus wat daarvan droom om sy eie zombiefliek te maak.
Wat volg, is 'n wegholrit met skouhoenders, skelms, zombies, moeilike somme... en die mooiste meisie in die skool.

Lehandi trek dikbek saam met haar ma terug Vrystaat toe en moet al weer in 'n vreemde dorp aanpas. Haar pa en sy flooze verwag 'n nuwe baba en boonop is Drayke myle ver in Pretoria en besig om haar boodskappe te ignoreer. Dit lyk nie of die long-distance-relationship-ding vir haar gaan werk nie. al probeer sy hoe hard. Veral aangesien Garth Johnson - elke girl se droomou en elke onderwyser se nagmerrie - sy bes doen om dinge behoorlik om te krap. Wanneer Lehandi in sy seegroen oë kyk, weet sy net een ding: Hier kom mega-groot moeilikheid.

In "Ek en Prins Donkerkuif" - die eerste titel in hierdie reeks - was Lehandi se graadtien-jaar vol struikelblokke en drama. Maar dit lyk beslis of die nuwe jaar n