Children Books

Maria is verwonderd oor hoe lief sy vir die Seun is wat nog gebore moet word.
'n Lammetjie sien helder ligte aan die hemelruim. Wat kan dit wees?
'n Engel het 'n wonderlike boodskap - met sulke goeie nuus kan hy nie ophou sing nie!

In "Die Aksie-Bybel: Jesus se geboorte" deel ooggetuies wat hulle beleef het toe Jesus gebore is - van Jesaja tot Sagaria, Elisabet en Maria, 'n duif wat in die stal was toe Jesus gebore is, tot 'n kameel wat deur die woestyn op reis is.

Hoe sou jy gevoel het as 'n engel jou genooi het om Jesus te sien? Wat as jy 'n jong sterrekundige was wat 'n nuwe ster in die hemel sien? Of 'n donkie wat Maria dra op haar reis na Betlehem? Die verhale in "Die Aksie-Bybel: Jesus se geboorte" benader Jesus se geboorte vanuit 'n unieke perpektief, en die vrae vir nadenke sal jou en jou gesin Jesus se koms op 'n vars en unieke manier laat ervaar.

Hierdie prettige soek-en-vind-boek bevat 12 Bybeltonele uit die Ou en Nuwe Testament en stel kinders bekend aan van die bekendste Bybelstories en -karakters.

Met 'n prettige andersoortige benadering, soek jy nie net na belangrike voorwerpe in die tonele nie, maar ook na mense wat nie daar hoort nie!
Elke storie word deur 'n bekende Bybel-karakter vertel wat op een of ander manier in die verkeerde toneel beland het.
Hierdie verandering maak dinge interessant en pret terwyl die karakters probeer uitwerk waar hulle is.
Soos hulle rondkyk, vergelyk die karakters die toneel waarin hulle is met hul eie stories.
Kan hulle uitpluis wat aangaan?
Kan jy?

Kan jy elke verdwaalde storieverteller opspoor? Terwyl jy dit doen, kan jy hulle help om uit te vind waar hulle is deur die ander voorwerpe in elke toneel te vind!

Klein Beertjie is baie nuuskierig en hou daarvan om sy Bybel te lees en meer oor God te leer. Kom krul saam met hom op onder die sterre en verbeel jou hoe dit was die aand toe Jesus gebore is.

"Klein Beertjie ontmoet vir Baba Jesus" is 'n wonderlike manier om jou 3- tot 6-jarige van Jesus se geboorte te vertel.

Klein Beertjie is baie nuuskierig en hou daarvan om sy Bybel te lees en meer oor God te leer. In hierdie storie leer Klein Beertjie dat hy net so dapper soos Ester kan wees deur te kies om altyd die waarheid te praat.

"Klein Beertjie praat die waarheid" is die ideale wegspringplek om 3- tot 6-jariges te leer dat dit altyd die beste is om die waarheid te praat, al is dit moeilik.

Waarom is 'n slang se tong gevurk?
Het slange ore?
Waarom vervel slange?
Watter slange maak of hulle dood is?
Hoe dikwels eet slange?

Maak kennis met 36 van Suider-Afrika se mees algemene en interessante slange in hierdie opwindende gids. Ontdek die boeiende gewoontes van slange - waar hulle bly, hoe hulle jag, watter gevare hulle trotseer en hoe hulle hulself beskerm. 'n Breedvoerige inleiding tot talle aspekte van slanggedrag ontsluit die wonderwêreld van hierdie dikwels misverstane reptiele.

Hierdie vrolike bundel stories, rympies en speletjies is 'n kleurvolle reis saam met immergewilde karakters soos Lena, wat haar eie Kersboom in die tuin maak, Benjamin en sy viool, Tyl Uilspieël met al sy streke, en Jakkals en Wolf se manewales. Skaterlag saam oor tergrympies, leer tel met uittelrympies, en speel weer lekker buite soos in die ou dae met bekende speletjies slls Klippiegooi, Wolf, Wolf, hoe laat is dit?, en Koljander, Koljander.

Leer 'n kleinding speel-speel waardevolle lewenslesse soos hoe om nie kwaad te word nie en wat goeie maniere is.

En maak slaaptyd ekstra spesiaal met slaaptydrympies en mooi-droom-stories.

Springbokke het 'n superkrag. Hulle is die beste rugbyspelers, natuurlik.

Maar wat as jy 'n ander superkrag het? Dalk is LEES jou superkrag! Soos Springboekie! Springboekie is MAL daaroor om te lees. Hy wens net sy maats het ook daarvan gehou. Hulle wil net HEELDAG in die moddergat speel en hulle dink boeke is VERVELIG.

Gelukkig is Springboekie baie slim. Hy wys sy maats dat daar 'n boek vir elkeen bestaan. Selfs 'n kwaai leeu!

Wat is 'n snotblom?
Hoe groot was 'n T-Rex se poef?
Eet mense in Frankryk regtig paddaboudjies en hoe smaak dit?
Wat is Hiënabotter?
Watter dier se piepie ruik soos springmielies?

Dis WALGLIK - maar dis WAAR!
WEES GEWAARSKU - hierdie boek is propvol feite wat jou kan NAAR MAAK en laat GRIL!

Word gril-gril slim en ontdek die grieselrige kant van die natuur met hierdie prettige boek wat jong feitevrate sal laat ril van lekkerkry!

"Slaat my dood met 'n slap snoek!" roep ouma Mollie.

Haar naam is Mollewanta Mollewiekus Nagtegaal. Maar jy kan haar sommer net ouma Mollie noem - die grootste moeilikheidmaker op Seeperdjiebaai. Gelukkig hou Nina haar ouma (gewoonlik) uit die moeilikheid.

Vandag is egter nie een van daardie dae nie. Ouma Mollie onthou een middag sy het al baie goed vergeet. Daarom is dit tyd om terug skool toe te gaan - saam met klein Nina en Blapsie, haar hond. Op ouma Mollie se eerste skooldag, pluk sy haar snaakse ou skoolrok en 'n paar silwer tekkies aan. Tydens die les, leer sy die juffrou ook 'n paar nuwe dinge. Een daarvan: Tekkies gee mens knoptone, daarom moet jy hulle in die klas uittrek - selfs al stink jou voete VREESLIK!

Toe ouma Mollie (per ongeluk) die graadeentjies se nuwe juffrou word, is daar GROOT moelikheid. Maar nie so groot soos toe sy...

Nee wag, lees maar self wat ouma Mollie NOG aanvang.

Springboks have a superpower. They play the best rugby, of course.

But... what if you have another superpower? What if your superpower is READING! While other Springboks are busy perfecting their rugby skills, Springbookaroo discovers his extraordinary superpower: READING!

Follow Springbookaroo's journey as he tries to share the joy of reading with his MUD-LOVING friends. Can he convince them that books are anything but boring, even for an angry lion?

Find out in this heartwarming story that celebrates the magic of books and the power of friendship.

Wat laat mense in zombies verander?
Watter oulike dierebabas eet hul ma se poef?
Kan 'n gorilla puisies kry?
Watter voëltjie los winde om sy prooi te vang?

Dis WALGLIK - maar dis WAAR!
WEES GEWAARSKU - hierdie boek is propvol dierefeite wat jou kan NAAR MAAK!

Word gril-gril slim en ontdek die grieselrige kant van die natuur met hierdie prettige boek wat jong feitevrate sal laat ril van lekkerkry!

Die verhale in hierdie kleuterbybel is spesiaal geskryf met die kleingoed in gedagte. Elke storie kom met 'n lewenswaarde wat maklik is om te verstaan. Met pragtige, kleurvolle illustrasies word storietyd kuiertyd!

Jan de Wet vertel persoonlik elke storie wat afgelaai kan word deur die QR-kode te volg wat binne in die boek ingesluit is. Daar is gratis toegang tot die oudio vir elkeen van die stories. Luister, lees en kyk heerlik saam!

Wil jy graag 'n regte egte DOKTER word?

"Dokter in Opleiding" bevat brokkies inligting oor die menslike liggaam en sal jou leer hoe om vir jou liggaam te sorg.

Voltooi die eenvoudige aktiwiteite om praktiese ervaring as 'n dokter te kry. Die aktiwiteite sal jou leer wat dit beteken om 'n dokter te wees en hoe om mense te help om gesond te bly.

"In Opleiding" is 'n wonderlike reeks wat kinders opgewonde sal maak oor allerlei onderwerpe soos wiskunde, tegnologie, ingenieurswese, die kunste en die wetenskap. Kinders kan ook oor verskillende beroepe leer - van 'n ruimtevaarder tot 'n dokter.

Wil jy graag 'n regte egte INGENIEUR word?

"Ingenieur in Opleiding" bevat brokkies inligting wat jou sal leer hoe van die vaardighede wat jy benodig om 'n ingenieur te word.

Voltooi die eenvoudige take om praktiese ervaring in die verskillende ingenieursberoepe te kry en leer hoe om soos 'n ingenieur te dink.

"In Opleiding" is 'n wonderlike reeks wat kinders opgewonde sal maak oor allerlei onderwerpe soos wiskunde, tegnologie, ingenieurswese, die kunste en die wetenskap. Kinders kan ook oor verskillende beroepe leer - van 'n ruimtevaarder tot 'n dokter.

Wil jy graag 'n regte egte RUIMTEVAARDER word?

"Ruimtevaarder in Opleiding" bevat brokkies inligting wat jou alles sal leer oor die ruimte, sterrekunde en die lewe op die Internasionale Ruimtestasie.

Jy kan eenvoudige maar leersame aktiwiteite voltooi terwyl jy op 'n ongelooflike reis deur die ruimte geneem word.

"In Opleiding" is 'n wonderlike reeks wat kinders opgewonde sal maak oor allerlei onderwerpe soos wiskunde, tegnologie, ingenieurswese, die kunste en die wetenskap. Kinders kan ook oor verskillende beroepe leer - van 'n ruimtevaarder tot 'n dokter.

Wil jy graag 'n regte egte VEEARTS word?

"Veearts in Opleiding" bevat brokkies inligting wat jou alles sal leer oor diere en hoe om hulle te versorg.

Voltooi die verskillende aktiwiteite om praktiese ervaring te kry terwyl jy al die verskillende take van 'n veearts verken en diere gesond leer hou.

"In Opleiding" is 'n wonderlike reeks wat kinders opgewonde sal maak oor allerlei onderwerpe soos wiskunde, tegnologie, ingenieurswese, die kunste en die wetenskap. Kinders kan ook oor verskillende beroepe leer - van 'n ruimtevaarder tot 'n dokter.

Wil jy graag 'n regte egte KODEERDER word?

"Kodeerder in Opleiding" bevat brokkies inligting oor rekenaarkodering en sal jou leer watter oplossings-vaardighede 'n kodeerder nodig het.

Voltooi die eenvoudige aktiwiteite om praktiese ervaring as 'n kodeerder te kry. Jy sal leer hoe om soos 'n kodeerder te dink en kodes te skryf.

"In Opleiding" is 'n wonderlike reeks wat kinders opgewonde sal maak oor allerlei onderwerpe soos wiskunde, tegnologie, ingenieurswese, die kunste en die wetenskap. Kinders kan ook oor verskillende beroepe leer - van 'n ruimtevaarder tot 'n dokter.