Find Your Next Read at Springbok’s Favorite Bookshop

Alles gaan oukei wees, het Decker gesê.

'n Wilde partytjie.
'n Gesteelde kar.
'n Jaagtog wat in chaos eindig.
'n Sak vold geld.

Trent se ouers is die naweek weg en los hom alleen by die huis. Ná 'n rowwe partytjienag saam met sy vriende wat met 'n wilde jaagtog en 'n motorongeluk eindig, word Trent met 'n moeilike besluit gekonfronteer: Wat moet hy doen met die geld wat hy op die ongelukstoneel gekry het?
En kan hy regtig sy vriende vertrou?

'n Doller-as-kop-af spanningsverhaal waarin dinge in regte Tarantino-styl skeefloop en die leser behoorlik aan sy sitplek moet vasklou om by the bly met al die naelbyt-aksie.

Cowboy Koekemoer van die Klein-Karoo en sy getroue kameelperd, Shorty, is terug met 'n 5-in-1 omnibus en hulle is gereed om die dag te red. Al moet hulle die dag red terwyl hulle met vakansie is.

Daar is vier voorheen vrygestelde titels in hierdie versameling, asook 'n splinternuwe storie.

Thomas is moving to a new house, and he hates the idea with a passion. Even though his stepmother, Louisa, is quite cool, having a new half-brother or -sister is something Thomas is definitely not looking forward to. To make matters worse, the house they are going to live in is an ancient Victorian place.
Before long, all sorts of weird stuff starts happening in their new house. Thomas hears footsteps in front of his bedroom door at night; doors mysteriously start opening and closing by themselves, and his printer starts spitting out one weird message after another. Could their new house be haunted?
Thomas and his friends Hannes, Alex and Thabo decide to try and solve the mystery of the old house - a mystery that could lead them into great danger...

Partykeer doen 'n mens in 'n oogwink iets wat jou hele lewe verander. Soos om saam met 'n vreemde meisiekind in 'n boom te klim.

Marnus is moeg daarvoor om in sy twee broers se skadu te leef.
Sy ouer broer breek swemrekords en meisies se harte. Sy kleinboetie is op nege reeds 'n uitgeslape entrepreneur met briljante geldmaakplanne.
En Marnus-die-middelmannetjie voel partykeer asof hy onsigbaar is.
Maar toe Leila een oggend aan Marnus-hulle se deur kom klop en vra hy moet 'n petisie teken, is dit die begin van 'n onverwagse avontuur.
En uiteindelik kry Marnus 'n kans om raakgesien te word...

Wat het 'n meerkat en 'n leeu in gemeen? Of 'n luidier en 'n gorilla?

In "Diere van die orde" word orde in die diereryk op eenvoudige wyse en met pragtige illustrasies verduidelik. Hierdie boek is propvol interessante dierefeite, soos die verskil tussen naaldekokers en waterjuffers, en paddas en skurwepaddas. Kyk en lees oor visse, ape, rotte, voëls, vlinders, slange, akkedisse, skilpaaie, paddas en spinnekoppe van regoor die wêreld.

"Diere van die orde" is die ideale inleiding tot taksonomie in die diereryk.

Welkom by "Anatomicum".

Hierdie museum is altyd oop en bevat 'n versameling uitstallings wat die werking van die menslike liggaam in die fynste besonderhede verduidelik. Hoe lyk jou liggaam aan die binnekant? Hoe word spiere gebruik om emosies te wys? Hoe groei 'n mens uit 'n enkele sel?

Maak dié boek oop om die wonders van die menslike liggaam in al sy glorie te ontdek.

Welkom by "Dinosourium".
Hierdie museum is dag en nag oop.

Dit huisves 'n belangrike versameling Mesosoïese monsters, van die kleine 'Troodon' tot die enorme 'Brachiosourus'. Hoe het die dinosouriërs ontwikkel? Hoekom het sommige vere en ander skubbe gehad?

Kom gerus binne en verken die ryk van dinosouriërs in al sy glorie.

<"Bitter! Bitter! Bitter!" Louw gooi sy volle gewig agter sy vuis, ruk dan terug en sien hoe Beast sy neus vashou. Soos gewoonlik sê sy brein en sy lyf "nee". Dis die teenoorgestelde van wat hy wíl doen. Maar in die Kring gaan dit nie oor wil nie. Dit gaan oor wat jy móét doen. Almal in die Kring het skuld - Bloedskuld. En die Branderjaers het 'n moerse prys om te betaal.>

Deidre Anker se lewe is veilig, onder beheer. Sy het egter nie op Louw Swanepoel gebargain nie. Louw is een van dáárdie ouens. Die ou wat homself in stormwaters sal gooi vir 'n gevaarlike brander of teen 'n krans sal afduik vir 'n oomblik van adrenalien. Waaghalsig. Windgat. Alles wat Deidre nie kan verdra nie. Maar hoe meer tyd sy saam met Louw spandeer, hoe meer besef sy hoe verkeerd sy was. Daar is iets aan hulle, die Branderjaers: Vuur, Kannie, Klippies, Stoke en Bitter. Vyf seuns in 'n hegte broederskap gesmee deur gedeekde pyn en skuld. Sý wil die een wees wat al Louw se geheime ontrafel.

Want dis alles of niks. 'n Mens kan nie halfmas lewe nie.

Mense wil altyd dinge verduidelik, 'n verklaring hê om die wêreld en al sy misterie te verstaan. Hulle dink nie dat 'n skoolseun in die middel van die nag 'n boom sal wil brand nie.
Wat gaan hulle sê wanneer hy die dag die ou huis brand?

Arian pas nie in by sy gesin nie. Sy broer en suster is die uitblinkers. En Arian? Hy is die mal een wat die skoolberader moet gaan sien omdat hy vreemde goed in sy huiswerkboek krap. Maar niemand weet van sy ander plan nie...


"Dis maar hoe liefde werk, ou girl. Nie almal wat jy stalk, gaan van jou hou nie."
"Jy is vieslik."
Maddy lag. "Dis net 'n grappie. Maar ernstig, nie elke ou van wie jy hou gaan van jou hou nie, Es. Vir daardie dae is daar hartseer liedjies. Jy kry jou tissues, huil jou hart skoon, probeer vergeet en gaan stalk iemand anders."

Estie se ma is oorlede. Haar pa se aandag is by die nuwe vrou in sy lewe. En Estie? Sy is die verlore siel van die skool wat skelm foto's van Arian neem, hom huis toe volg. En uitvind van sy geheim...

'There is something I'm missing... something I've forgotten. But what?'

Trapped in a world in which she clearly does not belong, Annabel tries to make the most of her life despite the strange abnormalities. However, that all changes in a single day. Now in a world as dangerous as it is wonderful, she discovers her life intertwined with both questions and dark magic.
Following the inquiry of a mysterious visitor, Annabel and her two best friends embark on a journey to save countless lives before it's too late. Astonishing revelations are made along the way, foreshadowing the massive journey ahead... and then there's still the lingering question.
What happened eight years ago?

<"Dis alles Bloedskuld, Malherbe. Dis die kruks, is dit nie?" sug Charlie en tuur uit oor die water. "Jy gee hulle net soveel as wat jy wil."
"Dis skuld." Sy stem wankel. "Jy moet betaal tot jy klaar is... Jy kan nie terughou nie. Dis nie hoe dit werk nie."
"Wat as dit kon?" vra sy, met daardie amper-glimlag. "Niks meer as wat jy wil nie. As hulle dink hulle kan meer uit jou kry... is jy 'n goner."
"Charlie?" fluister hy, maar die wind ruk dit weg. Dit gebeur in 'n oogwink. Een oomblik is Charlie daar, teruggetrekte skouers, hare in 'n stralekrans. Die volgende oomblik is sy weg.>

Malherbe "Vuur" Albertyn beplan om die somer in Kransbos te spandeer om die magiese Ylwoud te vind. Desperaat op soek na antwoorde, na iets buiten die Bloedskuld wat hy en sy Branderjaer-broers steeds in die arena betaal. Desperaatheid dryf ook vir Mieke om te waag om haar drome na te jaag. Maar dit beteken sy moet Vuur se vertroue wen - die één ou wat haar nie kan verdra nie. En dan is daar Jak, en alles wat ongesê bly tussen hulle... Kan sy ontsnap deur saam met Malherbe in 'n onvoorspelbare bos te gaan verdwaal? Is Ylwoud die antwoord op Charlie se verdwyning? Vir beide van hulle wag daar 'n besluit: waag of waarheid...

Maar daar is nie altyd 'n keuse nie.

Niemand het gedink ek sal hoor nie, maar ek hét.
Moenie dink omdat jy maar net tien minute gelede gebore is, omdat jy rooi en opgeskroef en lelik is, dat jy ook dom is, of nie kan hoor wat gepraat word nie. Jy kán.
"Hierdie hopie sprinkaanbene... Is dit 'n kind? Is dit mýne?"
Ek het my pa gehoor, en dit het die kwaad in my losgemaak, tóé al. En toe hoor ek ook die ander ding, die wat suster Van Schalkwyk vir my gesê het. Dit wat sy wat gesê het, het ek ook met my saamgevat. En dit het die wen in my losgemaak, tóé al. Want ek, die meisiekind wat my pa nie wou hê nie, moes baklei teen die vloek van die Gideon de la Reys...

Riana Scheepers, bekroonde skrywer van onder meer "Dulle Griet", "Die heidendogters jubel" en die gewilde "Katriena"-boeke, neem die leser na 'n jeugwêreld op 'n plaas waar saans na oustories om 'n misvuur geluister word. Maar altyd is daar in die jong Gideonette de la Rey se lewe die bedreiging van die blinde sambok, die bliksemstraal wat in 'n oomblik alles kan verander.

In "Op pad deur Betlehem" skryf die gewilde en deurwinterde skrywer Engela Linde oor die hele Bybel, van Genesis tot Openbaring.
Dié 66 dagstukkies is geskik vir persoonlike Bybelstudie, Bybelstudiegroepe of huisgeloof.
Die skrywer maak die Bybel lewend en van toepassing op ons eie omstandighede. Sy kyk na die tydvak en kultuur waarin gebeure afspeel en mense gelewe het en bespreek interessante, dikwels onbekende feite.
Soos die ganse Ou Testament afgestem was op die koms van die beloofde Messias, so is die Nuwe Testament afgestem op sy reële koms en die totstandkoming van die nuwe Israel, 'n belofte van hoop vir ons elkeen om aan vas te hou.

Kan jou laerskoolkind antwoord as iemand vra wie God, Christus en die Gees is?

"Wat glo jy?" beantwoord die algemeenste vrae oor God, Christus, geloof en die Gees. Elke antwoord word begrond uit die belydenisskrifte en aangevul met 'n Bybelse verhaal of gelykenis. Dit sal kinders van alle denominasies help om al hoe meer die Bybelse antwoorde op hulle lewensvrae te verstaan en hulle eie te maak.

"Wat glo jy?" is geskryf in samehang met "Wie is God?" wat gerig is op tieners en volwassenes. Ouers, begeleiers en opvoeders kan dus albei boeke tegelykertyd gebruik in gesprekke sodat hulle met kinders kan gesels.

Die Bybel is die belangrikste boek wat jy kan lees. Dit is propvol raad en riglyne om vir ons te wys wat ons moet doen om regtig te lewe soos God van sy kinders verwag. Maar soms is ons nie seker hoe om die Bybel reg te gebruik nie. Dave Strehler kan jou hiermee help!

In "'n Ontdekkingsreis deur die Bybel - vir kinders" kry jy die volgende:
• Elke boek van die Bybel word bespreek, van Genesis tot Openbaring.
• Belangrike onderwerpe soos geloof en redding word só verduidelik dat jy dit maklik kan verstaan.
• Daar is oulike kaarte en tydlyne.
• Daar is interessante inligting oor Bybeltye.

As jy hierdie boek gelees het, sal jy verstaan hoe al die Bybelboeke by mekaar pas, en ky sal weet hoe om dit wat die Bybel ons leer, in jou lewe te gebruik.

"'n Ontdekkingsreis deur die Bybel - vir kinders" sal jou help om die Bybel beter te verstaan en dit wat jy daarin leer, in jou lewe uit te leef.

Soms kan selfs laerskolers uitdagings in hulle lewe ervaar - van boelies tot groepsdruk tot om goeie punte te kry.

Die 180 dagstukkies sal meisies en seuns tussen 8 en 12 verseker dat hulle nooit alleen is as hulle God ken nie. Hy is elke tree van die pad saam met hulle!

"Die sakpas-Bybel met oordenkings vir meisies" is die ideale reisgenoot op jou lewensreis.

Elkeen van die 366 oordenkings bied:
• 'n Versameling sleutelverse oor relevante onderwerpe soos aanbidding, ewige lewe, identiteit, verhoudings en waardes.
• 'n Kort oordenking deur Johan Smith oor die onderwerp wat geestelike groei aanmoedig.

Die tematiese indeks maak die opspoor van enige onderwerp maklik en eenvoudig.
Laat "Die sakpas-Bybel met oordenkings vir meisies" jou hart instem op dit wat God vir jou beplan het.