Find Your Next Read at Springbok’s Favorite Bookshop

Andy en Terry het al weer aangebou! Hulle verstommende boomhuis met 65 vloere het nou 'n troeteldiersalon (Jill is die baas daar), 'n verjaardagkamer waar dit altyd jou verjaardag is (al is dit nie), 'n dryfsandput, 'n mierplaas, 'n kamer vol ontploffende oogballe, en Boom-TV: 'n nuuskanaal wat jou op hoogte hou van allerhande boomnuus, skindernuus en weervoorspellings.
Jip! Andy en Terry se boomhuis het alles... behalwe 'n boupermit! En die bou-inspekteur is op pad met 'n weermag sloopmasjiene...
Sal Terry se tydmasjien die twee vriende se boomhuis kan red?

Tobie bloos bloedrooi oor die kleinste dingetjies - en dít maak hom die skoolboelies se maklike prooi.
Hoe help jy jou maat as jy sélf bang is die boelies kom jou by?

I jy gereed om te gaan verken?

Tobie is 'n jong tier wat daarvan droom om die donkerste dieptes van die oseaan te verken. Al wat hy nodig het, is waagmoed, deursettingsvermoë - en 'n tuisgemaakte duikboot!
Kom saam met Tobie op 'n pretbelaaide avontuur, en ontdek daarna die inspirerende verhale van drie regte oseaanverkenners.

Waarheen sal jou avonture jou neem?

Kom reis saam op 'n towertapyt en ontdek die gunsteling-stories van kinders regoor die wêreld!

Hierdie pragtig geïllustreerde boek bevat 32 fantastiese stories wat al eeue lank in verskillende lande vertel word.

In 'n klein, arm landjie woon daar 'n prinses met ongelooflike lang hare. Sy sou dit graag wou afknip, maar haar pa sê dat 'n dame se hare haar kosbaarste sieraad is...

'n Boek oor 'n wolf en 'n meisie, twee muise en 'n gemmerbroodhuisie.

Hierdie vyf geliefde klassieke stories al kinders op 'n onvergeetlike avontuur neem.

Maak reg vir 'n opwindende reis!

Die heks het 'n kat en 'n puntige hoed.
En gemmerrooi hare, gevleg soos dit moet.

En soos hulle vlieg op die waai van die wind,
kan jy Heksie hoor lag en die katertjie spin.

Daar was eendag... lank gelede, of miskien gister eers... 'n legendariese berg. Niemand wat teen die berg uitgeklim het, was ooit weer soos voorheen nie. Gevolglik is almal in die land te bang om teen die berg uit te klim. Mense vermy dit selfs om naby die berg te kom.

Ten spyte daarvan wil iemand opklim. Maar reeds aan die voet van die berg verwelkom 'n bordjie hom waarop geskryf staan: "Sien, as jy kan." - Die man steek vas, maar gaan dan tog verder en begin om tree vir tree na die pad onder sy voete te kyk.

"Die Ruwe Berg" is die gelykenis van 'n boekkunstenaar.

Is jy mal oor modes?
Hierdie mal modes sal jou laat skaterlag en gril.

Wie het 'n vleisrok gedra?
Wie se hare was vol vlooie en goggas?
Watse klere kan jou doodmaak?
Kan jy vlieë van jou oë weghou mer grimering?

Jy sal nooit weer dieselfde na modes en grimering kyk nie. Lees dadelik hierdie boek!

Is jy 'n slimkop?
Jy sal een wees as jy hierdie boek lees. Slyp jou brein met vreemde vrae soos...

Kan jy van die aarde afval?
Wat weeg 'n wolk?
Is daar meer bome of meer sterre?
Wanneer is piesangs gevaarlik?

Hierdie fantastiese feite (EN MEER) gaan jou verstom.

Kris de Kat was 'n straatsangers-kat,
'n straatsangers-kat was hy.
En by die Leeu in Lelielaan was Klaas en Kris te kry
waar mense luister in 'n kring
na Kris wat miaau en Klaas wat sing:

"Hier gaan alles gaaf en goed.
Gooi tog ietsie in ons hoed.
Dis ek en hy en 'n ou kitaar,
en hier sing ons ons liedjies klaar."

"Kyk hier! Vissermanne het 'n reuse-oereier van 'n geheimsinnige seedier gevind naby Bouvet-Eiland in die ysige Suid-Atlantiese Oseaan," sê Soetlief Knoets en trek die koerant nader.
"Die eier van 'n oer-seemonster?" vra Jannus belangstellend en druk sy neus tot byna teen die koerantpapier.
"Seemonsters?" vra Kriek en staan ook nader.
"Is daar werklik sulke goed?"

Maar Oupa het 'n verrassing vir die kinders. Die einste eier is in sy laboratorium, waar hy dit moet ondersoek.
Die kinders kyk met groot oë na hul oupa en vra gelyk: "Maar hoe gaan Oupa uitvind of dit nog lewend is?"
"Ons vat dit terug na waar dit vandaan kom, natuurlik, en kyk dan wat gebeur," sê Oupa. "Kom julle saam?"

Op sy verjaarsdag webs Jaco vir net een ding: 'n hond! En 'n hondepartytjie, met hondekolwyntjies. Maar gaan hy die geskenk van sy drome kry? Sal sy gunstelingmusiekgroep, Wagter en die Waghonde, opdaag? En wat moet hy doen as sy partytjie skielik 'n reuseramp is, of as die hond wat hy kry in iets baie eienaardigs verander?

JY besluit aan die einde van elke hoofstuk wat volgende gaan gebeur! Dié storie is propvol opwindende KINKELS EN KEUSES!

Leef jy volgens rubriek?
Sê hulle djou Afrikaans is vasgestiek?
Dalk is jy poffertjie-fraai
Maar hulle sê jou Afrikaans maak lawaai

Geen spesifisering, geen kleuverdeling
Ons pluk rond aan woordspeling
Afrikaans is my huis en taal
"Djy kan dit weer sê, broer Jamaal!"

Wat kry jy tussen Godzilla se tone?
Na watter sepie kyk spoke graag?
Wat maak: "Ha-Ha-DOEF"?

Weerwolwe, spoke en zombies baljaar saam met beroemde monsters soos Dracula, King Kong en Frankenstein se monster in hierdie skaterlag-grapboek. En as jy klaar gelag het, is daar selfs 'n resep om jou eie monsterslym te maak!

Het jy senuwees van staal?
Is jy nie bang om laatnag alleen in die bed te lê en lees terwyl die wind buite waai en die takke teen jou ruit krap nie?
Dan is dit net die boek vir jou!

Hierdie splinternuwe versameling bevat nóg 13 spookstories wat jou bloed yskoud sal laat word.
So, trek toe die gordyne, klim in jou bed... en maak gereed om allerlei gedaantes te ontmoet wat snags in die donker ronddwaal.

Alfie het op veertien koning geword. Nie net koning nie, maar die Redder van 'n ryk wat in 'n nuwe donker eeu gedompel is.

Die Redder het die stryd teen die Swart Draak verloor, en die Verenigde Koninkryk is nou in die kloue van opperbeskermheer Lock en sy weermag van ondooie Vikings en beserkers. Intussen begin Hayley 'n weerstandsbeweging in Londen se agterstrate. Alfie pak die hewige stryd aan om sy land terug te wen - gelukkig met die hulp van lojale vriende van die Ryk. Maar daar is 'n nuwe gevaar wat in die donker skuil...

Kan Alfie en sy vriende Lock keer voordat hy Hel op aarde loslaat?

/Die laaste boek in 'n aksiebelaaide trilogie./

For Percy and his family, life is tough as their mother struggles to make ends meet. But there is one thing that brings the Tau boys together: soccer. Soon enough, Percy joins the Sundowns Youth Academy, where coach Pitso Mosimane teaches him all about what it takes to become a professional footballer.

In March 2017 Percy's life changes forever: he is called up to play for Bafana Bafana. In 2018 he is named as the leading goalscorer of the season. However, just as he's settled into his new role, Percy is offered a position to play for a major club in the UK. What will the future hold for one of the brightest stars in South African soccer?

<"En in baan drie, vir Suid-Afrika, is Caster Semenya!" sê die aankondiger. Die skare juig. Caster lig haar arms waarderend vir haar aanhangers. Dan draai sy om en staar na die baan. "Op julle merke!" Caster sit haar toon teen die lyn en kyk op. "Gereed!" Sy hurk effens, gereed vir ontploffende aksie...>

Caster Semenya is 'n wêreldklas-kampioen wat baie medaljes gewen het, insluitende goud op die Olimpiese Spele. Maar haar grootste uitdagings was dikwels nie op die atletiekbaan nie. Sy moes boelies en vooroordeel te bowe kom. Hierdie is die ongelooflike reis van 'n dapper jong Suid-Afrikaner wat ondanks talle struikelblokke bo uitgekom het.

"Caster Semenya" is deel van die KAMPIOENE-reeks, wat van Suid-Afrika se grootste sportlegendes volg op hul reis om nasionale en internasionale sterre te word.

These four stories are very old, and many of them are about special people or animals. Is your favourite hero in this book?

Penguin Readers is a series of popular classics, exciting contemporary fiction and thought-provoking non-fiction, written for learners of English as a foreign language. The series is aligned to the Common European Framework of Reference for Language and includes language activities that help develop key skills.