Find Your Next Read at Springbok’s Favorite Bookshop

Op een van die laaste somerdae sit drie kinders in hul klubhuis op die muur rondom Ou Yster SV: Oskar, sy ouer broer, Bossie, en hul vriendin Gesie. Die klubhuis het nie 'n dak of mure nie, en ook niks anders wat by 'n klub pas nie. Kyk hulle af, is daar geen teken van die avonture wat op hulle wag nie.
Al wat hulle sien, is Melkweg, 'n rustige straat waar 'n bejaarde vrou haar stokou worshond uitlaat. Dis asof die tyd stilstaan en dit altyd somer sal bly. Dan stel Bossie voor dat hulle 'n weddenskap aangaan, en skielik is alles in rep en roer.

Wortel Wolf is eensaam. Sy huis is die enigste in Stofstraat... tot drie nuwe intrekkers hulle opwagting maak. Aha, bure kuier mos oor en weer en sy knoffel is juis op. Hy sal moet gaan kennis maak!

In hierdie drie bekende stories het Wortel Wolf 'n paar verassings in sy mou.

Is dit 'n hond?
'n Deursigtige Jack Russell?
Soos 'n... spookhond?

Hugo Roets weet nie of hy bang moet wees nie. Hoeveel mense het al 'n spookhond gesien?
Dis mos ongelooflik!

Maar dit is net die begin van die storie...
Frikkadel moet 'n nuwe huis kry. Daar is net een probleem: Hoe kry mens 'n vir-altyd-huis vir 'n spookhond?

Iwan hou van niksdoen, naas eet en slaap is dit sy gunstelingtydverdryf. Hy is só lui dat die mense hom spottend Lui Iwan noem, tot sy flukse broers se groot skaamte. Op 'n dag kruis 'n geheimsinnige blinde man sy pad en voorspel dat Iwan die volgende tsaar van Rusland sal word... mits hy vir die volgende sewe jaar heeltemal níks doen nie, níks sê nie en slegs sonneblompitte eet. Die silwermuntstuk om Iwan se nek sal dan vir hom die pad wys na die kroon wat vir hom bestem is.
Iwan pak die uitdaging vasbeslote aan - en só begin 'n ongelooflike avontuur. Die pad na die tsaar se kroon is vol struikelblokke en gevare, maar sommer gou is dit duidelik Lui Iwan word Sterk Iwan: 'n onverskrokke held wat met sy geweldige krag selfs vir Baba Jaga kan ore aansit!

"Het jy enige idee hoe dit voel om verlief te wees?" vra Nadia moedeloos.
"Natuurlik," sê ek vinnig. Ek dink onwillekeurig terug aan die twee outjies wat ek en Nadia in graad drie met sjokolade omgekoop het om met ons uit te gaan. Die "verhoudings" het net so lank gehou as wat dit die twee geneem het om die sjokolade op te eet. "Ek het al van 'n hele paar ouens gehou..." sê ek ongeërg.
Dis darem nie heeltemal 'n leuen nie - daar is 'n hele paar cute ouens in die skool. Ek wil net nie met hulle uitgaan nie.
"Ek praat nie van hóú van iemand nie," sê Nadia. "As mens rêrig verliéf is op 'n ou, kan jy nie een oomblik ophou om aan hom te dink nie." Sy kry weer daardie veraf, dromerige kyk in haar oë. "Alles voel skielik anders as jy verlief is, tot die boringste goed. Jou klein boetie kry dit nie meer reg om jou te irriteer nie, jy kry sommer lus en gee jou mees gehate onderwyser 'n drukkie en selfs jou Rice Krispies proe anders..."

Bly wag van daardie goed wat in die strate ronddwaal. Selfs al lyk hulle soos jou familie en vriende, jou buurman of buurvrou, die ou of meisie op wie jy jou hart verloor het. As jy gelukkig is, verskeur hulle jou binne sekondes. As jy nie so gelukkig is nie en dit oorleef... wel, dís die scary deel.

Net sewe dae. Dis al wat nodig is om die wêreld tot stilstand te ruk.

'n Week gelede was Jake nog 'n doodgewone sewentienjarige. Nou is hy een van die enigste oorlewendes in 'n verwoeste stad. Daarom vat hy die pad op soek na sy pa. Maar ná die uitbreking van die virus is die wêreld 'n vreemde, skrikwekkende plek.

Elle Olivia is 'n kragtige lysiemaker wat haar hele lewe fyn probeer beplan, want sy glo alle slegte dinge gebeur op Vrydae.

Na 'n belaglike insident waarin sy 'n meme geword het (natuurlik op 'n Vrydag), is haar op die nippertjie aanvaarding by Kovsies om medies te studeer 'n nuwe begin vir haar.
Maar na nóg 'n belaglike verwarring, bevind sy haarself in die laaste situasie waarin sy wil wees: die kollig. Sy moet Conrad Trubleu, gewilde kitaarspeler en hoofsanger van die boyband Vuurvreter, se fake meisie wees. Hierdie is só nie deel van haar plan.

Mitch het 'n knop op sy maag, hy weet iéts gaan gebeur. Iets slegs. En dan land die ruimtewesens in Deltaville en ontvoer inwoners van die dorp.

Mitch en sy beste vriend, Lionel, besef dat dit hulle taak sal wees om die inwoners te red.
In 'n ander wêreld, op die planeet Zenkion, is Imke besig om oor die Blou Planeet, Aarde, te leer. Haar ma was 'n Aardling en dit beteken Imke is half-Blou Planeter, half-Zenkioniet. Al wat Imke wil doen, is om die blou waters van die Blou Planeet te sien. Sal sy die kans aangryp om na hierdie planeet te gaan?
Al is die planeet besig om aangeval te word...?

Mitch en Imke se wêrelde ontmoet in hierdie verhaal oor ruimtereise, ruimtewesens en 'n soeke na die plek waar elkeen behoort.

Morrigan Crow is vervloek. Bestem om op haar elfde verjaardag te sterf.

Maar toe die klok middernag slaan, word sy deur 'n merkwaardige man genaamd Jupiter Noord weggevoer na die geheime stad Nimmermeer. Daar word sy genooi om by die Wondergenootskap aan te sluit. 'n Lewe vol misterie en towerkrag wag op haar - mits sy vier onmoontlike proewe kan baasraak, met behulp van 'n uitsonderlike talent. 'n Talent wat sy nie het nie...

<In stilte het hulle geluister na die geruis van die windskewe woud om hulle. "Dalk is dit hou die bome in die hemel lyk," het Gibor hardop gedink.
"Waar is die hemel?" wou Eron weet.
"By die Waterplek.">

Drie herfse het verloop sedert dié dag toe Gibor Verberger so halfterloops die bestaan van die Waterplek bekendgemaak het. Baie water en bloed het intussen in die see geloop en nou verlaat die sewentienjarige Eron Verberger uiteindelik sy geboorteland in die hoop om die laaste Geseënde en sy pa by die Waterplek te vind: die skuilplek in Afrika wat Gibor vir die vlugtelinge van die Vuurstorm voorberei. Die seereis is lewensgevaarliken sy verhouding met Lia is 'n ingewikkelde vervlegting van wantroue en begeerte. Sy pad kruis met 'n flambojante heerseres, 'n dogtertjie wat reënwind maak en 'n toweragtige bergvesting. Van die Onbekende Eilandgroep tot Olam, van Waširgzondou tot die Waterplek word Eron tot die uiterste gelouter, en moet hy homself afvra: Is hy waaragtig die honderdste Bergengel van Gabriëllië.

<Ma skeur 'n boks visvingers oop en strooi die inhoud uit in die pan. "Ek het sulke high hopes vir jou gehad. As daar nou een kind was van wie mens high hopes kom hê, was dit jy. En nou't jy alles opgemors."
"Sorry." Met meer gevoel, hierdie keer.
Dis waar. Wat kan ek sê? Die Rise and Fall van Guinevere Sylvia van der Merwe.>

Dis Desember aand die einde van Sylvia se graad 11-jaar, maar sy weet nie waar sy haar matriekjaar gaan doen nie. En van haar toekomsdrome is daar niks oor nie. Minstens is alles niet net sleg nie - haar hunk van 'n boyfriend is nog net so smoorverlief op haar, en die dienswerk by die ouetehuis os darem nie te sleg nie, al dring suster Pretorius daarop aan om haar Guinevere te noem.

Jy het jou bed gemaak en nou moet jy daarop slaap, sussie. Dis wat Ma altyd sê. Dis wat die Van der Merwe-vroue doen.

Anja en Zanelle werk vir die Desembervakansie in 'n pizzarestaurant by die see. Anja steur haar soos gewoonlik nie aan al Zanelle se praatjies oor ouens of aan die tydskrifartikels wat sy lees nie - soos die een oor ouens en pizzas...

Ouens is soos pizzas
Stap 1: Moenie 'n Hawaiian-pizza bestel as jy pynappel haat nie.
Stap 2: Maak seker van die bestanddele voor jy bestel.
Stap 3: Onthou, die beste restaurant vat party keer langer om 'n pizza te maak - so gebruik 'n bietjie geduld.

Dan ontmoet hulel twee aantrekile boeties: Markus met die blonde hare en blou oë en Abrie, die geheimsinnige donkerkop. Zanelle se vermoede dat albei boeties op Anja verlief is, val op dowe ore. Maar dan gebeur daar iets wat Anja en Zanelle woedend maak vir die twee sexy broers... en dinge raak warmer as 'n Meksikaanse pizza met ekstra chilli-sous!

Soms is die einde net die begin van 'n nuwe avontuur.

Martin Retief se hele lewe verander toe sy pa een middag op pad huis toe by 'n winkel stilhou om aandete te koop.
Sy ma weier sedertien om uit die huis te kom. Sy suster stel net in haar kêrel belang. Sy oom praat nie eintlik nie. En Martin? Hy verkoop smiddae eiers en doen snags somme as hy sukkel om te slaap.
Maar op 'n dag ontmoet Martin vir Drikus.
Drikus wat aan 'n siekte ly wat na iemand vernoem is. Drikus wat daarvan droom om sy eie zombiefliek te maak.
Wat volg, is 'n wegholrit met skouhoenders, skelms, zombies, moeilike somme... en die mooiste meisie in die skool.

Lehandi trek dikbek saam met haar ma terug Vrystaat toe en moet al weer in 'n vreemde dorp aanpas. Haar pa en sy flooze verwag 'n nuwe baba en boonop is Drayke myle ver in Pretoria en besig om haar boodskappe te ignoreer. Dit lyk nie of die long-distance-relationship-ding vir haar gaan werk nie. al probeer sy hoe hard. Veral aangesien Garth Johnson - elke girl se droomou en elke onderwyser se nagmerrie - sy bes doen om dinge behoorlik om te krap. Wanneer Lehandi in sy seegroen oë kyk, weet sy net een ding: Hier kom mega-groot moeilikheid.

In "Ek en Prins Donkerkuif" - die eerste titel in hierdie reeks - was Lehandi se graadtien-jaar vol struikelblokke en drama. Maar dit lyk beslis of die nuwe jaar nóg interessanter dinge gaan opdis.

Dans is Byron Carelse se hele lewe. Dit is sy energie, sy passie, sy geluk... sy vonk. Wanneer die ritme sy lyf beetkry, vergeet hy van die probleme wat by die huis op hom wag.

Sy beste vriendin, Tasha, sê altyd hy moenie toelaat dat ander mense sy vonk steel nie. Maar sy weet nie van die dinge wat by die huis gebeur nie. En dalk is dit beter so. Wat sal sy van hom dink?

Op 'n dag sien iemand Byron se talent raak. Hy kry saam met 'n groepie ander kinders die kans om deel te wees van 'n glansryke vertoning by die kunstefees. Die die kans om groot drome te droom, groter as die arm gemeenskap waar hy bly. Maar wat doen jy as die lewe jou drome probeer steel?

Môre begin die toekoms...

DIS MATRIEKAFSKEID - die wonderlikste aand in elke tiener se lewe. Maar wat gebeur wanneer dit verby is, wanneer selfs die after party end kry?
Vier jongmense staan op die grens van hulle grootmenslewe.
Liza, Quin, Noku en Wayne kom elkeen uit verskillende agtergronde en die toekoms lyk ook vir elkeen van hulle anders.

In hierdie dramateks neem vier vriende afskeid van hulle skool, hulle vriende, hulle kindwees... en dalk hulle drome.

Niks sal ooit weer dieselfde wees nie.

Lucas ken Nova-eenheid se geheime. Hy het met sy eie oë die eksperimente in die laboratoriums gesien: die monstermense, die verskrikte ruimtewesens in die tenks. En hy verstaan nou waar sy vriende se spesiale kragte vandaan kom. Hulle was ook daar, in daardie laboratoriums, jare gelede. Hulle was ook eksperimente. Al verskil is, hulle was die suksesverhale...

Maar daar is geheime wat Lucas steeds nie ontrafel het nie. Wie is die geheimsinnige Sterreloper wat gereeld vir hom boodskappe stuur? Wat beteken die vreemde visioen wat hy in sy broer se oë gesien het? En waarom wil die grootkoppe van Nova-eenheid hom en sy vriende skielik met vakansie see toe stuur? Lucas vermoed dit gaan nie net 'n gewone vakansie wees nie. Dit voel asof dinge nou op 'n manier in plek begin val. Eendag sal hy dalk die groter prentjie kan sien en nie meer net die legkaartstukke nie... Is Lucas en sy vriende gereed om die grootste geheim van almal te ontdek?

Jenna is versot op dans.

Al probleem is dat haar ma nie regtig geld het om vir haar balletklasse te betaal nie. En om vir nuwe dansskoene te wens is so goed soos dagdromery - al is hare flenters.
Maar toe die Kaapse Balletgeselskap 'n kompetisie loods wat talentvolle jong dansers die kans gee om 'n winterskool in die Kaap én 'n vertoning van 'n Russiese balletgeselskap by te woon, begin Jenna se hoop opvlam. Dalk is daar tog 'n manier om haar dansdrome waar te maak!
Maar iemand in haar balletklas is vasbeslote om haar planne in die wiele te ry...

Blonde hare...
Helderbou oë...
'n Skitterwit glimlag...

Natasja is perfek. Dit besef Jak die oomblik toe sy by die klas se deur instap. Maar hy is net 'n doodgewone ou. Hoe kan hy die mooiste meisie in die skool se aandag trek? Julia, sy beste vriendin, het 'n plan...

Thomas se hele wêreld ruk tot stilstand toe sy meisie, Alex, hom uit die bloute los. Boonop lyk dit of sy beste pel, Hannes, vooraf van alles geweet het. Asof dit nie erg genoeg is nie, maak die skoolhoof en die twee skoolboelies weer Thomas se lewe moeilik.
Toe hy in skooltyd wegglip om van die hele spul weg te kom, hoor hy per ongeluk 'n geheime gesprek - twee mans bespreek planne om 'n besending onwettige vuurwapens van die hawe tot in die hartjie van Kaapstad te smokkel. Die smokkelaars beplan om 'n netwerk van geheime tonnels te gebruik wat onder die stad deurloop.
Kort voor lank is Thomas vasgevang in 'n duister onderwêreld van smokkelary - en sy lewe is in gevaar...