How did we end up here with over 7 billion of us straining the planet to its limits?

"Human Origins" provides a richly illustrated and comprehensive narrative of our deep past - tracing out the major events from the big bang to the present with an emphasis on the last million years.
The latest evidence from fossil bones, stone tools, artefacts and ancient DNA reveals how diet, past climate and landscape shaped many of the features that make us human.

Did our species originate in the southern coastal region of South Africa as groups, isolated and under pressure, incorporated seafood into their diet for the first time?
Do the first appearances of symbolic artefacts at the far northern and southern tips of Africa indicate that these areas served as the initial engine rooms of our cultural evolution?
How did control of fire initiate behaviours that farming and the Industrial Revolution would amplify to propel us, the human 'superorganism', to where we find ourselves today?

Ours is a deep, complex, incomplete and highly contentious history, but one that can enlighten us as to who we are and where we might be headed...

Africa boasts some of the most interesting and spectacular geological features on our planet, many of them unknown and rarely seen by travellers. This book uncovers 44 diverse landscapes and phenomena, which are fully described with the support of colour photographs and explanatory diagrams and maps. Authored by a range of geologists and specialists in the field, the book provides fascinating insight into the geological and geomorphological origins of, among others, the Great Escarpment of southern Africa and its vast inland plateau; the Great Rift Valley system, mountainous regions of the Sahara, great inland deltas, the Cape mountain fold belt, offshore islands, meteor craters, near-legendary minerals and the setting of hominid development on the continent. Palaeontological, archaeological, historical and ecological information is included.

Threatened with internment for the duration of World War II, two young German geologists, Henno Martin and Hermann Korn, sought refuge in the Namib Desert and lived a Robinson Crusoe existence for two and a half years. How they mastered their situation, what they did, thought and observed are the subject of "The Sheltering Desert". This is their timeless story.

In it lies the vastness of the landscape, the clear skies, nature's silence in the joy or suffering of her creatures, and the stillness in which the reader, too, may take refuge from the wrongs of civilisation.

Met sy debuutbundel, "Vonke uit die koeroeklip - 'n Eie verhaal uit Namakwaland", het Gert Sarrisam lesers van oraloor bekoor. Sy nuutste bundel bied weer pure leesplesier - daar is vrystories en bakleistories, hartseerstories en lagstories, sowel as vertellings oor 'n klompie rare karakters uit die Namakwalandse omgewing.
Die bekende ware verhale sluit in dié van 'n tweejarige dogtertjie wat verkluim het in die Kamiesberge, die Nazi-gesinde Robey Leibbrandt se spioenasietog aan die Weskus, die tergende Bettie Smith-moordsaak, en die opspraakwekkende moorde deur Jan Pieriga op die plaas Olienpoort. Leer ken ook die vermaakpersoonlikhede Arno van Zyl en ant Grietjie van Garies, en herleef die kubuskoors wat Suid-Afrika in die 1980's getref het!

"Vammelewe se vuurstories vat vlam" is die vyfde boek uit die pen van Gert Sarrisam. Hy neem die leser op sy eiesoortige manier op reis deur die wel en wee van die mense van Namakwaland. Soms met 'n traan en 'n tikkie heimwee, maar meestal met 'n glimlag, nie net vir die storie self nie, maar vir die kostelike manier waarop Gert dit oorvertel.

In Mei 2015 reis "Weg"-joernalis Erns Grundling na Europa om die Camino Francés, die bekende en gewilde pelgrimstog in Spanje, op sy eie te gaan stap. Hy is onvoorbereid, oorgewig, beseer en onfiks. Daarby is hy volledig ontnugter deur homself, die liefde en die lewe self. Hy klim ook op die vliegtuig met 'n dringende "Weg"-artikel wat eers móét klaar voor hy met sy swaar rugsak in die pad mag val.
"Elders" vertel die verhaal van Erns se staptog van een duisend vyf en twintig kilometer oor veertig dae, wat hy sonder 'n selfoon, kamera of horlosie aangepak het. In 'n tyd wat ons almal toenemend onder beleg voel weens die onmiddellikheid van selfone en sosiale media, ontdek hy die ware betekenis en beloning van om in die oomblik te leef.
Hy raak meer as een keer verlief, loop sy doppelgänger raak, beleef 'n reeks avonture en ontmoet kleurryke karakters, skud meer as tien kilogram af en kom tot waardevolle nuwe insigte langs hierdie eeue oue roete van innerlike transformasie.
Hierdie is 'n ongelooflike boek - 'n reisverhaal en memoir wat behalwe vir 'n fisieke avontuur ook 'n deernisvolle blik bied op die ewe kosbare binnereis. Erns het juis gaan stap om weg te kom van skryf. Eers met sy terugkoms sou hy besef hy het 'n storie om te vertel.

/ Ek gaan sit alleen op een van die banje. In die halfskemerte van 'n kerkgebou kom jy makliker by die haldskemer plekke in jouself uit. Hier besef jy dat jou siel oud is, so oud soos die sterre self...
Dan ry ek stadig weer deur die slaggate terug na die N4. /

Dana Snyman reis land-in, op soek na sekerheid en lig. In die nadraai van die pandemie, met beurtkrag, oorlog in Oekraïne en die politiek, begin mense moed opgee, ook oor hulself. Maar Dana vind hoop, liefde - en geloof.
In hierdie bundel verken hy veral geloof, van sy eerste bekering by 'n avontuurkamp tydens sy laerskooldae tot waar hy 'n kers aansteek in 'n Franse katedraal. Dana rou oor dié wat weggeval het, soos die ikoniese Fred Mouton, Gerrie "Bomber" Coetzee, en oom Pieta de Jager. Daar is ook reünies - van matriekklasse tot ou skoolvriende en die Bok-span wat in 1981 teen die All Blacks gaan speel het. Hy gesels met Pipo die clown, die karwag wat Adriaan Vlok onthou, en oom Bok Horn wat 'n leeu uitoorlê het. Hy trek sy ma se "Kook en geniet" met sy vergeelde kleefbandstrokies nader.
Hier ná 60 leer Dana met onsekerheid saamleef. Nie 'n moedelose, desperate onsekerheid nie, maar 'n hoopvolle onsekerheid. Want die heelal is deurdrenk met die Groot Misterie.

Dana Snyman deel in "Seun" die deel van sy storie waaroor hy nog nooit gepraat het nie: sy ervaringe in die 1980's. Dit is die tyd van PW Botha se vinger, van die Voëlvry-toer, AWB-saamtrekke, onderhandelinge en die laaste dae van diensplig. Dana word oneervol ontslaan uit die weermag, maar eers maak hy 'n draai in Saal 24. Werkloos en doelloos eindig hy in 'n gewese bediendekamer in Pretoria.
Dié rou, selfonthullende memoir vra: hoe word 'n seun 'n man? 'n Seun wat nie 'n meisie se aandag kan trek nie? 'n Seun wat nie goed genoeg is vir die weermag nie?
Met "Seun" neem Dana lesers in sy vertroue. Dit is 'n aangrypende relaas oor grootword tydens die doodsnikke van 'n politieke stelsel, oor manlikheid en oor eer, en oor die liefde wat uiteindelik alles oorkom.

"Hulle weet ek was in hulle systems. Hulle weet wat ek gedoen het. Hulle weet wie ek is."

'n Teruggetrokke nuwe leerder, Eckardt Wilken, verdwyn geheimsinnig uit die elite privaat seunskool, Lawson Kollege. Greg Owen moet hom opsoor sonder dat iemand uitvind hulle was albei hackers.
Die sinistere raaisels rondom Eckardt se verdwyning verdiep met elke leidraad wat Greg vind. Die eerste een: 'n selfoon wat lui, en die naam G-4ce wat flits op die skerm.
Die onderwêreld ken sy naam en roep hom om te kom speel.

<"Sien djy nie? Dit gaan nooit end kry nie. Daar gaan altyd nog 'n Kalla wees, nog 'n Ben, 'n Louw, 'n Malherbe, 'n Jak. Nog 'n Ellis. Ek verstaan, djy wou my beskerm. Djy't geskrik, ons almal het. Maar dit was mý Bloedskuld, Ben. Mýne. Djy't 'ie vir my kans gegee om 'n besluit te maak'ie en kyk die posisie waarin ons nou is. En 'it stop nooit'ie! Ek wil terugbaklei. Ek willie terugsit nie. Nie die keer'ie.">

Dis die Branderjaers se matriekjaar en alhoewel Ben Palmer van plan was om sy kop laag te hou, loop alles skeef. 'n Ou bendeleier is terug in Breekwater en Ben en sy suster Kalla word gekonfronteer met 'n legacy waarvoor hulle nooit gevra het nie. Maar as jy 'n Palmer is, is jy 'n Kanniedood - jy kan enigiets survive. En Ben moet aanhou baklei: in die arena, in die turf war... en vir wie hy werklik is. Kalla kry ook nie háár verlede afgeskud nie. Die nag toe sy in die niemandsland aangeval is, het alles verander. Nou het sy 'n kans om seker te maak daar is nie nog 'n victim nie. Om dinge reg te stel en vir eens haar eie keuses te maak. Al moet sy alles om haar afbrand.

Dis nie hoe legacy werk nie. Maar wat as dit kon?

Pippie Langkous vier haar 75ste bestaansjaar met hierdie heruitgawe van die Pippie Langkous-omnibus, wat al drie die oorspronklike boeke in die reeks bevat: "Pippie Langkous", "Pippie Langkous gaan aan boord" en "Pippie Langkous in die Suidsee".

In hierdie nuwe uitgawe hersien Jaco Jacobs die 1975-vertaling deur Nerina Ferreira in hedendaagse Afrikaans, sodat lesers hulle opnuut kan verlustig aan Pippie se manewales.

Pippie, die koddige klein heldin met die sproete en rooi vlegsels, woon alleen in Huis Winderuis. Haar pa, die legendariese seekaptein Efraim Langkous, is iewers op 'n eiland, maar Pippie word geselskap gehou deur haar perd en haar apie, Menner Jakobs. Pippie versin kostelike stories, maar het 'n hart van goud, en omdat sy merkwaardig sterk is, sit sy booswigte gou-gou op hul plek!

Astrid Lindgren (1907-2002) is een van die beroemdste kinderboekskrywers van die 20ste eeu. Haar Pippie Langkous-verhale is in meer as 75 tale wêreldwyd vertaal en selfs ná soveel jare is die nimlike klein Pippie nog net so geliefd soos altyd!

"Greg Owen is oorlede. 'n Span duikers het sy liggaam gister uit die Canale Grande in Venesië gehaal."
Dis wat die koerante in die Turret Media-groep oor my berig.

Greg Owen is dood. Kan dit waar wees, ná alles wat gebeur het?

Ja, ek was in Venesië, waar die hoofkanaal soos 'n reuseslang deur die stad kronkel, en ja, iemand is uit die donker water gehaal. Maar ander mense was saam met my daar. Ons was vyf.
Een van hulle is dood.
Hierdie is ons storie.


Greg Owen, die ou wat sy eie pa vir die wolwe gegooi het, is 'n eerstejaar op Stellenbosch. Klaar met hacking. Ingeskryf vir 'n graad in Sportwetenskap. Maar sal hy ooit van die skaduwee van Lawson Kollege en Project Nursery Rhyme kan wegkom?

God se hart vir die gesin is duidelik te sien in hierdie voorneme van Hom: "...Ek sal vir julle 'n Vader wees, en julle sal vir My seuns en dogters wees." (2 Kor. 6:18)

God het behae in hulle wat na Hom soek. Die Koning van die heelal, die Skepper van die hemel en die aarde, verlang om saam met ons te wees. Hy wil Homself aan osn openbaar en aan ons geheimenisse bekend maak.

Daar rus seën en guns op gesinne wat hulle afsonder om God te dien en aan Hom gehoorsaam is. As ons die Bybel deel maak van ons daaglikse lewe, sal ons kinders die Woord ook as noodsaaklik beskou. God se seën rus op die huis van diegene wat Hom dien. "... Hy seën die woning van die regverdiges" (Spr. 3:33b).

Maar hóé dien 'n hedendaagse gesin God? Watter prettige, moderne maniere is daar om gesinstyd met God opwindend te maak, om lofsang en aanbidding 'n fees te maak en om saam uit te reik na ander op maniere wat lekker én lewenveranderend is? Die ideaal is dat gesinstyd met God spontaan en op 'n natuurlike wyse deel van ons daaglikse doen en late word.

Die skrywer wil met hierdie boek gesinne toerus om God binne gesinsverband te dien. Sy gee praktiese wenke en voorstelle oor hoe om gesinstyd met God spesiaal te maak en stel opwindende aktiwiteite voor vir die hele gesin. Daar is ool 52 orodenkings wat gesinne sal help om gesstelik te groei.

Met bydrae deur 'n kognitiewe gedragsterapeut en berader, kindersielkundige, spelterapeut en onderwyser.

"Hulle wil my been afsit, Simphi. Net hierso." Alex trek sy liniaal oor sy kaal bobeen.
"Woep-wap-konynkap, weg is Alex Brown se been én sy beroemde skopvoet."

Die nuus is presies wat die veertienjarige Alex nie wou gehoor het nie: sy beenkanker is te laat ontdek en nou is daar 'n sterk kans dat hulle sy been sal moet afsit. Hy gaan nooit weer rugby of krieket kan speel nie. Vir 'n lang tyd nie skool toe kan gaan nie. Dalk selfs nie eers sy vyftiende verjaarsdag sien nie...

Sy beste vriend, Simphiwe, het nie veel raad nie.

Maar toe ontmoet Alex vir Agapé-Ann; 'n pastoor se dogter met dieselfde tipe kanker wat ses maande vroeër haar been verloor het. Hy begin saam met haar kerk toe gaan. En stadig maar seker leer hy meer oor geloof en die Here. En dat sy kanker nie 'n straf is nie. En oor engele.

Gaan sy jong geloof die grootste toets ooit kan oorleef?